काठमाडौं । रामेछाप जिल्ला दोरम्बा गाउँपालिका वडा नम्बर ५ सिमटार घर भई काठमाडौंको कागेश्वरी मनोहरा नगरपालिकामा बसोबास गरी बिगत सात आठ बर्षदेखी तेक्वान्डो खेलमा क्रियाशील मनोज श्रेष्ठले स्वर्ण पदक जित्नु भएको छ । श्रेष्ठले मलेसियामा आयोजित मलेसियन ओपन तेक्वान्डो प्रतियोगितामा पुरुष ५८ के जी मुनी तौल समुहमा प्रतिस्पर्धा गर्दै श्रेष्ठले स्वर्ण पदक जित्नु भएको हो ।
स्वर्ण पदक विजेता श्रेष्ठ सोमबार स्वदेश फर्कनु भयो । सो अबसरमा श्रेष्ठलाई सम्मान गर्न श्रेष्ठका तेक्वान्डो प्रशिक्षक अशोक खड्का, श्रेष्ठका अभिभावक तथा सामाजिक, राजनीतिक अभियन्ता लोकबहादुर श्रेष्ठ समेत परिवारजन, आफन्तजन त्रिभुवन अन्तर्राष्ट्रिय विमानस्थल जानु भएको थियो ।
सो अबसरमा खेलाडी श्रेष्ठलाई सम्मान गर्दै लोकबहादुर श्रेष्ठले मनोजको जित मनोज आफ्नै र परिवारको मात्रै नभएर सिङगो नेपालको जित भएको बताउनु भयो । उहाँले खेलाडीहरुलाई हरेक तबरले हौसला दिनु पर्ने बताउदै नेपाली खेलाडीलाई ओलम्पीकमा प्रतिस्पर्धा गर्न सक्ने बताउनु राज्यको दायित्व हुनु पर्नेमा जोड दिनु भयो सो अबसरमा प्रशिक्षक खड्का र खेलाडी श्रेष्ठले कडा मिहिनेतका साथ स्वर्ण पदक जित्न सफल भएको र यो जितले नेपालकै खेल क्षेत्रमा योगदान पुर्याएको बताउनु भयो ।
