बैशाख २६, काठमाडौं । नेपाल र जिम्बावे ए बीचको अन्तिम एकदिवसीय खेलको टस चिसो आउटफिल्डका कारण समयमै हुन सकेको छैन ।
त्रि.वि क्रिकेट मैदानमा सोमबार ९ः३० बजे बाट सुरू उक्त खेल आइतबार परेको पानीले मैदान ओसिलो भएपछि निर्धारित समयमा हुन सकेन ।
११ बजे अम्पायरले मैदान निरीक्षणपछि टस अझै हुन नसक्ने जानकारी दिएका छन् भने अर्को निरीक्षण ११ः४५ बजे हुनेछ ।
जिम्बावे ए सँगको तीन खेलको एकदिवसीय सिरिजमा नेपालले पहिलो खेल ३ विकेटले हारेको थियो भने दोस्रो खेल ९ विकेटले सहज जितेको थियो ।
आजको खेल रद्द भए नेपाल र जिम्बावे ए बीचको सिरिज बराबरी हुनेछ । यसअघि नेपालले जिम्बावे ए सँगै घरेलु मैदानमा खेलेको टी २० सिरिज पनि बराबरीमा सकिएको थियो ।
Uncategorized
चिसो मैदानले नेपाल र जिम्बावे ए बीचको अन्तिम खेलमा ढिलाइ
- 0 Comments
- 149 पटक