चैत्र १०, काठमाडौं । त्रिभुवन अन्तराष्ट्रिय विमानस्थलको राडारमा समस्या देखिएपछि उडानहरू प्रभावित भएका छन् । बिहान ६ बजे राडारमा समस्या आएपछि उडान केही समय प्रभावित भएको त्रिभुवन विमानस्थल कार्यालयका प्रमुख प्रेमनाथ ठाकुरले जनाए । राडारको समस्या देखिएपछि विमानस्थल कार्यालयले वैकल्पिक व्यवस्था गरेर उडान अवतरणको प्रयास गरेको थियो । अहिले भने समस्या समाधान भइसकेको छ ।
‘राडारको समस्यासँगै भिजिबिलिटी पनि कम देखिएका कारण उडान केही समय प्रभावित भएको हो,’ ठाकुरले भने ।
निजी वायुसेवा प्रदायक कम्पनीहरूले उडान प्रभावित भएको भन्दै उडानसम्बन्धी जानकारी मोबाइल एपबाट लिन अनुरोध गरेका थिए ।