पुस १२, काठमाडौं । देशका अधिकांश स्थानमा मंगलबारदेखि हिउँदे वर्षा हुने सम्भावना रहेको जल तथा मौसम विज्ञान विभागले जनाएको छ।
विभागका अनुसार आइतबारदेखि पश्चिमी नेपालबाट प्रवेश गरेको पश्चिमी न्यून चापीय प्रणाली मंगलबार र बुधबार देशैभरि फैलिने छ । जसका कारण, देशका अधिकांश स्थानमा हल्कादेखि मध्यम वर्षाको सम्भावना छ भने उच्च पहाडी तथा हिमाली भू-भागका धेरै स्थानमा हल्कादेखि मध्यम हिमपात हुनेछ ।
विभागले यो प्रणालीका कारण पर्वतारोहण, हवाई/यातायात लगायत दैनिक जनजीवनमा समेत यो प्रणालीका कारण असर पर्न सक्ने देखिएकाले चिसोबाट बच्न र हिमपातबाट हुन सक्ने प्रभावबाट जोगिन आवश्यक सतर्कता अपनाउन सचेत गराएको छ । उक्त पश्चिमी वायुको प्रणाली बिहीबारदेखि भने क्रमशः कमजोर बन्दै जाने अनुमान विभागको रहेको छ ।
