वैशाख, ५ काठमाडौं । शुक्रबार नेपालमा दुई जिल्ला उदयपुर र चितवनमा १४ जना कोरोना भाइरस संक्रमित भएको पुष्टि भएसँगै विदेशमा बस्ने नेपालीहरुमा पनि कोरोना संक्रमण पुष्टि भएको छ । बहराइनमा बस्ने थप २७ नेपालीमा पनि कोरोना भाइरस (कोभिड–१९) को संक्रमण भएको छ । यो संख्या सँगै बहराईनमा बस्ने नेपालीहरुमा कोरोना भाइरस संक्रमित हुनेको संख्या ४९ जना पुगेको छ ।
सो कुराको पुष्टि बहराईनमा रहेको नेपाली दुताबासले गरेको हो ।
बहराइनमा हालसम्म ९९० जनामा संक्रमण देखिएको छ । उनीहरु मध्ये ७ जनाको मृत्यु भएको छ भने तीन जनाको अवस्था गम्भीर रहेको छ । बहराइनमा कोरोना भाइरस संक्रमित भएकाहरुमध्ये सात सय तीन जनालाई निको भइसकेको जनाइएको छ ।
