असार २८, एजेन्सी । भारतमा भारी वर्षा भइरहेको छ । अत्याधिक वर्षाका कारण जनजीवन प्रभावित बनेको छ । भारी वर्षा र बाढीका कारण गुजरातमा पछिल्लो २४ घण्टामा ६३ जनाले ज्यान गुमाएका छन् ।
अम्बिका नदीमा फसेका सरकारी कर्मचारीहरुलाई हेलिकोप्टरको सहायतमा उद्धार गरिएको छ भने भालसाड जिल्लामा सबै स्कुल र कलेजहरु पनि बन्द गरिएको छ ।
सरकारले बाढी प्रभावित १० हजारभन्दा बढीलाई सुरक्षित स्थानमा सारेको छ । अन्य आठ जिल्लामा रेड अलर्ट जारी गरिएको छ ।
त्यसैगरी भारतकै मध्य प्रदेश र कर्नाटकमा पनि अत्यधिक वर्षाका कारण जनजीवन कष्टकर बनेको भारतीय मिडियाहरुले जनाएका छन् ।
भारतको मौसम विज्ञान विभागले मंगलबार पनि उत्तराखण्ड र केरलामा भारी वर्षा हुन सक्ने भन्दै सतर्कता अपनाउन भनेको छ ।
