कार्तिक २३, काठमाडौं । चौधरी गुप्रको छातामा रहेको सिजी कम्युनिकेसन्सले सिजीनेटको सेवामा नयाँ र सस्तो ‘सुपर सस्तो प्याकेज’ सार्वजनिक गरेको छ । उक्त प्याकेज अन्तर्गत ग्राहकले प्रतिमहिना ६ सय ४९ रूपैयाँमा ५० एमबीपीएस गतिको इन्टरनेट प्रयोग गर्न पाउनेछन् ।
यस प्याकेज १, ३, ६ महिना र एक वर्षका लागि उपलब्ध छ । तीन महिनाको प्याकेजलाई १९ सय ४७ रुपैयाँमा ५० एमबीपीएस गतिको इन्टरनेट प्राप्त गर्न सकिनेछ । यस्तै ६ महिनाको शुल्क तीन हजार ८ सय ९४ रुपैयाँ निर्धारण गरिएको छ । त्यस्तै वार्षिक ग्राहकले ७ हजार ७ सय ८८ रुपैयाँमा यो प्याकेज खरिद गर्न सक्नेछन्।
