मुक्तक १ः
गलेर ढल्यो,आशाको त्यान्द्रो मायाको सानो बोट!
गोलिले हान्दा के दुख्थ्यो मन वचन मै रहेछ खोट!
लेखेको रहेछ मिल्ने यो भाग्यमा नहुनी देखेको ;
धनिलाइ रैछ माया र प्रेम दुखिलाइ चोटै चोट!
मुक्तक २ः
तिमी छौ र पो ढुकढुकि चल्दै छ अचेल!
ढलेको वृक्षमा पनि फल फल्दै छ अचेल!!
समाजको पट्टि भित्र निसासिँदो मौन जीवन;
तिम्रै साहाराले अनगिन्ती चोट छल्दैछ अचेल!!
मुक्तक ३ः
पोख्न कहाँ सकियो र? मनका सबै हालहरु!
सवाल बनि खडा हुँदा चुनौतीका पर्खालहरू!
खुकुरीको चोट सहनु अचानोको धर्म सम्झी;
टालो हाली खाप्सियोले सिउँदै छु ती प्वालहरू!
